Indonezııa musylmandary «Álem arýyn» zınaqorlyqqa nasıhattaıdy dep esepteıdi
ASTANA. 11 maýsym. QazAqparat - Ústimizdegi jyldyń qyrkúıek aıynda musylman eli - Indonezııada ótetin «Álem arýy» baıqaýynyń uıymdastyrýshylary bıyl osynaý dúbirli dodada baǵyn synaıtyn qyz-kelinshekterdiń tánin jalańashtap shyqpaıtynyna sendirdi.
Baıqaýǵa álemniń túkpir-túkpirinen 130-dan asa úmitker qatysady. Báıgeniń birneshe kezeńi Balı araldarynda ótedi. Al aqtyq kezeńi Batys ıAvadaǵy Bogorda bolady.
Sondaı-aq, uıymdastyrýshylardyń aıtýynsha, jaǵajaıda kıimderiniń sán úlgilerin kórsetý kezinde baıqaýǵa qatysatyndar sahnaǵa tánin jaýyp turatyn kıimmen shyǵady. Bul jaıynda Inquirer LifeStyle habar taratty.
Indonezııada 240 mln. musylman turady. Bul kórsetkish el turǵyndarynyń 90 paıyzyn quraıdy. muslim.kz saıtynyń jazýynsha, musylmandardyń keı jamaǵaty elde mundaı masqara sharanyń ótýine úzildi-kesildi qarsylyq bildirgen bolatyn. Ol ol ma, uıymdastyrýshylardyń álgindeı ýájimen de kelispeı, zınany nasıhattaıtyn mundaı sharanyń ózi sharıǵatqa qaıshy ekenin alǵa tartyp otyr.
Beısenbide Indonezııanyń musylmandar uıymy narazylyq aktsııasyn ótkizetinin málimdedi. Jergilikti musylmandardyń ótken joly osynaý baıqaýdy Indonezııada ótkizbeı tastaǵanyn aıta ketý kerek.
Sonymen qatar, «Áıelderge kórsetiletin zorlyq-zombylyqpen kúresý jónindegi ulttyq komıssııanyń» quqyq qorǵaý bólimi el turǵyndaryn qyzbalyqqa salynbaýǵa shaqyryp otyr
