Indonezııa: keme apatynan keıin 80 adam iz-túzsiz ketti
ASTANA. QazAqparat - Indonezııada keme apatynan keıin 80 adam iz-túzsiz ketti. Oqıǵa Sýlavesı araly mańynda bolǵan, dep jazady Bı-bı-sı.
Jergilikti bıliktiń málimeti boıynsha, úsh adamnyń denesi tabylǵan, sondaı-aq 39 jolaýshy qutqarylǵan.
118 jolaýshy mingen keme senbi kúni tańerteń Sýlavesı provıntsııasynyń ońtústik-shyǵysynda ornalasqan Kolaka qalasynan shyqqan. Ol Bone shyǵanaǵynań kelesi betindegi Sıva portyna bet alǵan.
15:45-te Sıva portynyń dıspetcheri keme ekıpajynan olardyń sýǵa batyp bara jatqandyǵy týraly habar alǵan, odan soń baılanys bolmaǵan.
Aldyn ala boljam boıynsha, keme úsh metrlik tolqyn saldarynan aýdarylyp, batyp ketken.
Indonezııanyń kólik mınıstrliginiń habarlaýynsha, onda 89 eresek, 5 bala, 14 sábı jáne 10 ekıpaj múshesi bolǵan.
Adamdardy 6 qutqarýshy keme izdestirip jatyr. Іzdeý jumystary aýa raıynyń qolaısyzdyǵy men bıik tolqyndardyń kesirinen qıyndap otyr.
