Indonezııa Qazaqstannan BUU QK turaqty emes músheligine kandıdatýrasyn qoldaýdy surady
ASTANA. QazAqparat - 5-6 sáýir aralyǵynda Qazaqstan syrtqy ister mınıstriniń orynbasary Aqylbek Kamaldınov Ońtústik-Shyǵys Azııa memleketteriniń Assotsıatsııasy elderine jumys sapary sheńberinde Indonezııaǵa bardy, dep habarlaıdy QR SІM baspasóz qyzmeti.
Sapar barysynda A. Kamaldınov Indonezııanyń Syrtqy ister mınıstri Retno Marsýdımen kezdesip, saıası, ekonomıkalyq jáne mádenı-gýmanıtarlyq salalardaǵy ekijaqty yntymaqtastyqtyń ózekti máselelerin, sondaı-aq Birikken Ulttar Uıymy men Islam yntymaqtastyǵy uıymdary aıasyndaǵy ózara is-qımyldy talqylady.
Taraptar ekijaqty yntymaqtastyqtyń qarqyndy damýyna qanaǵattanatyndyqtaryn bildirdi. Buǵan Indonezııanyń Vıtse-prezıdenti ıÝsýf Kallanyń 2017 jylǵy 8-12 qyrkúıekte Astanada ótken IYU birinshi Ǵylym jáne tehnologııalar jónindegi sammıtine qatysýy, sondaı-aq Qazaqstan Parlamenti Senatynyń Tóraǵasy Qasym-Jomart Toqaevtyń bıylǵy naýryzda Jakartaǵa jasaǵan sapary dálel bolyp tabylady.
Qazaqstandyq dıplomat Astana Ońtústik-Shyǵys Azııadaǵy Qazaqstannyń negizgi áriptesteriniń biri bolyp tabylatyn Indonezııamen jan-jaqty jáne ózara tıimdi yntymaqtastyqtyń damýyna zor mán beretinin atap ótti.
A. Kamaldınov Qazaqstan tarapy bıyl qazan aıynda Astanada ótetin Álemdik jáne dástúrli dinder kóshbasshylarynyń VI Sezine dúnıejúzindegi eń kóp musylman halqy bar memleket Indonezııanyń qatysýy máselesine erekshe nazar aýdaratynyn atap ótti.
Indonezııa syrtqy saıası vedomstvosynyń basshysy Indonezııa Prezıdentin Sezge qatysýǵa shaqyrǵany úshin alǵysyn bildirip, óz kezeginde Qazaqstandy Indonezııanyń 2019-2020 jyldarǵa arnalǵan BUU Qaýipsizdik Keńesiniń turaqty emes músheligine kandıdatýrasyn qoldaýdy surady.
Suhbat sońynda A. Kamaldınov R. Marsýdıge mazmundy, ári senimdi kelissózder úshin alǵys bildirip, eki el arasyndaǵy ózara tıimdi yntymaqtastyqty odan ári nyǵaıtýǵa úmit bildirdi.
