Indonezııa fýtboldan jasóspirimder arasyndaǵy álem chempıonatyn ótkizbeıtin boldy
ASTANA.QazAqparat – Indonezııa 2023 jyly 20 jasqa deıingi jasóspirimder arasynda fýtboldan álem chempıonatyn qabyldaı almaıdy, dep habarlaıdy QazAqparat FIFA saıtyna silteme jasap.
«Halyqaralyq fýtbol federatsııasynyń prezıdenti Djannı Infantıno men Indonezııa fýtbol qaýymdastyǵynyń prezıdenti Erık Tohıranyń kezdesýiniń qorytyndysy boıynsha FIFA Indonezııany U20 jasóspirimder arasyndaǵy álem chempıonatyn ótkizetin elderden shyǵarý týraly sheshim qabyldady» ,-dep habarlady FIFA baspasóz qyzmeti.
Chempıonat Indonezııada 20 mamyr men 11 maýsym aralyǵynda ótýi kerek edi, biraq oǵan Izraıl jastar quramasynyń qatysýy daý týdyrdy. Indonezııadaǵy keıbir partııalar ızraıldikterdiń qatysý quqyǵynan bas tartty, óıtkeni Izraıldiń Palestınany jaqtaýshy Indonezııamen dıplomatııalyq qarym-qatynasy joq.
Balı gýbernatory Vaıan Koster álem chempıonatynyń jerebesi qarsańynda Izraıldiń Balıge kelýine úzildi-kesildi qarsy bolǵandardyń biri boldy. Aqyrynda Indonezııa prezıdenti Djoko Vıdodo máseleniń sheshimin tabý úshin jergilikti federatsııanyń tóraǵasy Erık Tahırdi Infantınomen kezdesýge jiberýge sheshim qabyldady. Eki jaq kelisimge kelmegen sııaqty.
«Chempıonatqa ıe bolatyn el jaqyn arada jarııalanady, týrnırdiń ótetin kúnderi ózgerissiz qalady», - delingen FIFA málimdemesinde.
