Indonezııa bokstan Azııa birinshiligin ótkizýden bas tartty
ASTANA. QazAqparat - Indonezııa bokstan «sary qurlyqtyń» basty dodasy - Azııa birinshiligin ótkizýden bas tartty, dep habarlaıdy QazAqparat tilshisi.
Búkilálemdik boks qaýymdastyǵynyń (AIBA) kúntizbesi boıynsha, bul birinshilik bıyl Indonezııada ótýi tıis bolǵan. Biraq bul el qarjylyq qıyndyqtarǵa baılanysty jarystardy qabyldaýdan bas tartty. Sol úshin AIBA kúntizbege ózgerister engizip, bul básekeni ózge elde ótkizýge sheshim qabyldady.
Sonymen, Azııa birinshiligi bıyl 30 sáýir men 7 mamyr aralyǵynda Ózbekstan astanasy Tashkent qalasynda ótetin bolyp sheshildi.
Aıta keteıik, Tashkent osymen Azııa birinshiligin úshinshi ret qabyldaǵaly jatyr. Bul qalada «sary qurlyqtyń» basty dodasy tuńǵysh ret 18 jyl buryn - 1999 jyly ótken edi, ekinshisi - 1995 jyly.
