Indonezııa bıligi jer silkinisinen qaza tapqandardyń naqty sanyn anyqtaýda
ASTANA. QazAqparat - Indonezııa bıligi Lombok aralynda bolǵan qatty jer silkinisinen qaza tapqan adamdardyń sany týraly ártúrli vedomstvolardan kelip jatqan málimetterdi biriktirmekshi, dep habarlaıdy TASS agenttigi.
Tabıǵı apattyń aldyn alý jónindegi ulttyq agenttik 164 adamnyń qaza tapqanyn aıtady. Al ulttyq izdeý jáne qutqarý agenttigi 226 adam mert boldy dep aqparat berip otyr. Qarýly kúshterdiń resmı ókilderiniń bergen málimeti boıynsha, qaza tapqandar sany - 381.
Tabıǵı apattardyń aldyn alý jónindegi ulttyq agenttiktiń ókili Sýtopo Nýgrohonyń aıtýynsha, másele óte aýyr bolǵandyqtan, jiti baqylaýdy qajet etedi.
Eske salaıyq, Eýropalyq Jerorta teńizi seısmologııalyq ortalyǵynyń málimetinshe, jeksenbi kúni Lombok aralynda 6,6 baldyq jer silkinisi bolǵan. Jerasty dúmpýiniń epıtsentri Mataram qalasynan (319 myń turǵyny bar) soltústik-shyǵysqa qaraı 49 shaqyrym jerde ornalasqan. Zilzala oshaǵy - 10 shaqyrym tereńdikte jatqan.
Buǵan deıin Indonezııadaǵy apat qurbandarynyń sany 347-ge jetkeni habarlanǵan edi.
