Indonezııa áýejaıynda eki jolaýshylar ushaǵy soqtyǵysty
ASTANA. QazAqparat - Indonezııalyq Sýmatra aralynda Medan qalasy Kýalanamý halyqaralyq áýejaıynda eki jolaýshylar ushaǵy qanattarymen soqtyǵysyp qaldy, dep habarlady Lenta.rý.
Oqıǵa 3 tamyzda ushý-qoný jolaǵynda boldy. «Lion Air» laıneri qonar kezinde ushýǵa ázirlenip jatqan «Wings Air» enshiles kompanııasynyń áýe kemesimen soqtyǵysyp qaldy.
Eki laıner de ishki reısterdi oryndaǵan. «Lion Air» ushaǵynyń bortynda 144 adam, «Wings Air» ushaǵynda 66 adam bolǵan. Eshqaısysy zardap shekken joq. Eki áýe kemesine de zaqym keldi. Oqıǵa saldarynan áýejaı jumysy 20 mınýtqa buzyldy.
