Indonezııa astanasynda lańkestikten qaza tapqandar men jaralanǵandar sany artyp jatyr
ASTANA. QazAqparat - Indonezııa astanasy Djakartada taıaýda oryn alǵan lańkestik saldarynan jaralanǵandar sany 26-ǵa, qaıtys bolǵandar 7 adamǵa jetti, dep málimdedi astanalyq polıtsııa basshylarynyń biri Mýshafık (Musyafak).
"Búgin tańerteń maǵan zardap shekken adamnyń biri Permata Hijau aýrýhanasynda em qabyldap jatqanyn habarlady", - degen polıtseıdiń sózin keltirdi Kompas gazeti.
Budan buryn keminde 24 adam jaralanǵany jaıly habarlanǵan (Avstrııa, Germanııa, Nıderlandy azamattaryn qosa alǵanda).
Beısenbi kúni ındonezııalyq astananyń ortalyǵynda Djakartaǵa jaqyn Sarinah saýda ortalyǵynyń mańynda jarylys serııasy oryn aldy. Onyń mańynda qonaqúıler, elshilik, keńseler ornalasqan. Jankeshti lańkes aldymen Starbucks dámhanasynda ózin jaryp, al sybaılastary shyǵaberiste dámhanadan qashqan adamdarǵa qarsy oq atqan. Birneshe mınýttan keıin bir jankeshti polıtsııa postyna jaqyn jerde óz-ózin jaryp jiberdi. Osydan keıin polıtseıler men sodyrlar arasynda atys jalǵasty.
Foto: https://russian.rt.com
