Indonezııa astanasyn sý basty
JAKARTA. QazAqparat – Nóser jaýyn kezindegi sý tasqyny saldarynan Indonezııa astanasynyń 1 300 turǵyny úıin tastap ketti. Birneshe ózen deńgeıi kóterilip, kóptegen kvartaldy sý basty, Jakartanyń birneshe aýdanynda kóterilgen sý deńgeıi eki metrden asyp ketti, dep habarlaıdy QazAqparat Euronews-ke silteme jasap.
Tabıǵat apatyna qaramastan evakýatsııa júıeli uıymdastyrylǵan. Zardap shekkenderge qatysty ázirge málimet habarlanbady. Qazir sý deńgeıi birtindep túsip jatyr, keıbireýler úıine qaıtyp kele bastady.
Mýsson ákelgen jańbyr birneshe kún tolassyz jaýǵan. ıAvada laı kóshkin júrip, bir aýyldyń 18 adamy óldi. Sý basyp qalǵan jol kómek berýge kedergi keltirip otyr.
Sınoptıkter kelesi aptady mýsson jańbyry qaıta keledi dep eskertip jatyr. Bul joly nóser daýyl jáne naızaǵaıly bolady dep boljanǵan.
