Úndistannyń ońtústiginde órtten 14 adam qaza boldy
Senbiden jeksenbige qaraǵan túnde Úndistannyń ońtústigindegi Karnataka shtatynda otshasharlar satatyn dúkende órt bolyp, 14 adam qaza tapty jáne birneshe adam japa shekti, dep habarlaıdy QazAqparat Sınhýa agenttigine silteme jasap.
Málimetti jergilikti polıtsııa rastaǵan.
Oqıǵa atalǵan shtattyń Bangalor ákimshilik aýmaǵyndaǵy Attıbele aýdanynda bolǵan.
Japa shekkender jergilikti aýrýhanaǵa jetkizilgen. Qaza bolǵandardyń kóbi — sol dúkenniń qyzmetkerleri.
Polıtsııa qazirgi sátte olardyń jeke tulǵasyn anyqtaý jumysy júrip jatqanyn málimdedi.
Dúkenniń ıesi men jerdiń egesi órt qaýipsizdigi talaptaryn buzdy degen aıyp taǵyldy.
