Indıan-Ýells týrnıri: Anna Danılına jarys jolynan shyǵyp qaldy

ASTANA. KAZINFORM – Qazaqstannyń juptyq syndaǵy birinshi, álemniń 17-raketkasy Anna Danılına Indıan-Ýells (AQSh) WTA 1000 týrnıriniń ekinshi aınalymyna shyǵa almady.

Reseılik Irına Hromachevamen birge jarystyń 7-raketkasy bolyp tirkelgen A.Danılına bastapqy matchynda slovakııalyq Tereza Mıhalıkova – ulybrıtanııalyq Olıvııa Nıkollspen betpe-bet keldi.

Danılına men Hromacheva kezdesýdi sátti bastady – 6:3. Alaıda sol qarqynyn jalǵastyra almady - 3:6, 8:10.

Saǵat jarymǵa jýyq ýaqytqa sozylǵan báseke barysynda ekeýi 1 eıspen birge 4 breık-poınttyń úsheýin paıdalandy. Mıhalıkova – Nıkolls eıs jasamaǵanymen, 8 breık-poınttyń úsheýin óz esepterine jazdy.

Qazaqstannyń jekeleı syndaǵy ekinshi, álemniń 20-raketkasy ıÝlııa Pýtıntseva da sátsizdikke tap boldy. Ol álemdik reıtıngidegi chehııalyq Katerjına Sınıakovaǵa jol berdi – 2:6, 2:6.

Osylaısha, ótken jyly munda tórtinshi aınalymǵa deıin jetken ıÝ.Pýtıntseva sol tabysyn qaıtalaı almady. Sonyń saldarynan ol WTA Live reıtıngisinde 22-orynǵa tómendep tur.

Qazaqstannyń kóshbasshy tennısshisi Elena Rybakınanyń úshinshi aınalymdaǵy qarsylasy anyqtaldy. Ol álemniń 38-raketkasy, ulybrıtanııalyq Ketı Býltermen tórtinshi aınalym joldamasyn sarapqa salady. K.Býlter reıtıngide 74-satydaǵy rýmynııalyq Irına Begýden aılasyn asyrdy – 6:7 (2:7), 6:3, 6:0.

Eske sala keteıik, budan buryn Indıan-Ýells týrnırinde Elena Rybakınanyń úshinshi aınalymǵa shyqqanyn jazǵan bolatynbyz.