Indıan-Ýells týrnıri: 17 jastaǵy tennısshi ekinshi ret Rybakınanyń jolyn kesti

ASTANA. KAZINFORM – Qazaqstannyń birinshi, álemniń 7-raketkasy Elena Rybakına Indıan-Ýells WTA 1000 týrnıriniń shırek fınalynan tys qaldy.

Qazaqstandyq tennısshi tórtinshi aınalymda álemniń 11-raketkasy, 17 jastaǵy reseılik Mırra Andreevamen jolyqty.

Ótken aıda Dýbaıdaǵy dál osyndaı jarystyń jartylaı fınalynda M.Andreeva E.Rybakınanyń jolyn kesken edi.

Bul joly birinshi partııada esep 1:1 bolǵan mezette reseılik sportshy breık jasap, kúsh alyp ketti – 6:1.

Ekinshi setti E.Rybakına breıkpen bastaǵanymen, jıi qatelesip, sol qarqynyn jalǵastyra almady – 1:4. Aqyry 2:6 esebimen jeńilis tapty.

Bir saǵattan astam ýaqytqa sozylǵan báseke barysynda Rybakına múldem eıs jasamady, ıaǵnı basty qarýynyń birinen aıyryldy deýge bolady. Sondaı-aq 1 breıkpen shekteldi. Andreeva 2 eıspen birge 12 breık-poınttyń teń jartysyn múlt jibermedi. 

M.Andreeva jartylaı fınalǵa shyǵý úshin reıtıngide 23-satydaǵy ýkraınalyq Elına Svıtolınamen talasady. Ol shırek fınalda álemniń 4-raketkasy, amerıkalyq Djessıka Pegýlanyń mysyn basty – 5:7, 6:1, 6:2. 

Eske sala keteıik, budan buryn Mıhaıl Kýkýshkınniń AQSh-taǵy týrnırde ekinshi jeńisine qol jetkizgenin jazǵan bolatynbyz.