Іndetti jeńýge bolady - Premer-Mınıstrdiń orynbasary
NUR-SULTAN. QazAqparat – Qazirgi qabyldanǵan sheshimniń júzege asýy ár azamatqa tikeleı balanysty. Bul týraly QR Premer-Mınıstriniń orynbasary Eraly Toǵjanov málim etti, dep habarlaıdy QazAqparat.
«Memleket basshysynyń naqty tapsyrmasy berildi. Koronavırýsqa baılanysty kúrdelengen máselelerdi sheshý boıynsha joldar aıqyndaldy. Sondyqtan indetke qatysty barshamyz birdeı jaýapkershilikpen qaraǵanymyz jón. Basynda koronavırýsqa senbegen kezder boldy. Osy kúmánniń bári artta qaldy dep aıtýǵa tolyqtaı negiz bar dep oılaımyn. Qazirgi qabyldanǵan sheshimniń júzege asýy ár azamatqa tikeleı balanysty», - dedi E.Toǵjanov Ortalyq kommýnıkatsııalar qyzmetinde.
Osy oraıda ol halyqtan karantın sharalaryna túsinistikpen qaraýdy surady.
«Osy baǵytta durys túsinip, atqarylatyn sharalarda bir-birimizdi tolyqtaı qoldaıtyn bolsaq, indetti jeńýge bolady», - dedi Úkimet basshynyń orynbasary.
E. Toǵjanovtyń atap ótýinshe, koronavırýs ınfektsııasyna qarsy kúres aıasynda engizilgen shekteýlerge qaramastan, elimizde tyǵylyp toı toılaý úrdisi tyıylmaı jatyr.
Eske sala keteıik, búgin Memlekettik komıssııa epıdemıologııalyq jaǵdaıdy turaqtandyrý jónindegi sharalardy bekitken bolatyn. Qazaqstanda epıdemıologııalyq ahýaldyń órshýin jáne koronavırýs ınfektsııasymen syrqattanýshylyqtyń ósýin eskere otyryp, Memlekettik komıssııa bıylǵy 5 shildeden bastap 14 kúnge kelesi shekteý sharalaryn engizý týraly sheshim qabyldady.
Karantın talaptaryn buzǵan qazaqstandyqtar aıyppul tóleıtin boldy.
