Іndetti tolyq jeńip shyqqansha antıseptik qoldanyp, maska taǵý qajet - Baǵdat Qojahmetov
NUR-SULTAN. QazAqparat - Koronavırýs indetin tolyq jeńip shyqqansha antıseptik qoldanyp, maska taǵý qajet. Bul týraly QR Densaýlyq saqtaý mınıstrliginiń resmı ókili Baǵdat Qojahmetov aıtty, dep habarlaıdy QazAqparat tilshisi.
«Al endi medıtsına salasyndaǵy jaǵymdy jańalyqtar jóninde aıtar bolsaq, aımaqtarda indetten jazylǵan sońǵy naýqasty shyǵaryp salyp jatqan sátter jıi jarııalanyp jatyr. Máselen, ótken aptada elordamyzdaǵy provızorlyq aýrýhanada sońǵy naýqas jazylyp shyqty. Aıta keterligi, bul ardagerlerge arnalǵan gospıtal bolatyn. Qazir munda koronavırýspen aýyryp jatqan naýqas joq», - dedi ol Ortalyq kommýnıkatsııalar qyzmetindegi brıfıng barysynda.
Resmı ókildiń aıtýynsha, aldaǵy ýaqytta gospıtalde zalalsyzdandyrý jumystary júrgizilip, tıisti saraptamalar jasalǵannan keıin burynǵy qyzmetine qaıta kóshedi.
«Ahýal turaqtandy eken dep qaýipsizdik erejesin buzýǵa bolmaıdy. Muny esterińizge salamyz. Іndetti tolyq jeńip shyqqansha antıseptık qoldanyp, maska taǵýyp, áleýmettik ara qashyqtyqty saqtańyzdar», - dedi Baǵdat Qojahmetov.
