Іndetten saıası astar izdeý orynsyz - Nurjan Álimjanov
NUR-SULTAN. QazAqparat – Іndet eshqandaı da memlekettiń saıası quraly emes. Bul oıdy Jańa jyl merekesi kúni karantın talaptaryn saqtaýǵa shaqyryp, pikir bildirgen akter, Qazaqstannyń eńbek sińirgen qaıratkeri, QR Parlamenti Májilisiniń depýtaty Nurjan Álimjanov málimdedi, dep habarlaıdy «QazAqparat» tilshisi.
«2020 jyl elimiz úshin syny kóp, aýyr jyl boldy. Іndet ónerdegi asyl azamattarymyzdy aramyzdan julyp ketti. Bul qıyn sát áli de jalǵasyp jatyr. Aty jaman aýrýdan qashan qutylatynymyz beımálim. Sondyqtan múmkindik bolsa, Jańa jyldy otbasymyzben qarsy alyp, saqtanyp, úıde bolǵanymyz jón. Memleket tarpynan qabyldanyp jatqan sharalar jan-jaqty zerttelgen. Qazirgi jaǵdaıdan saıası astar izdeý nemese oǵan senimsizdik tanytý orynsyz dep oılaımyn. Koronavırýs eshqandaı da memlekettiń saıası quraly emes. Az qazaq bir-birimizdi aıalap, ózgeniń ómirine jaýapkershilikpen qaraıyq. Qoryqqanǵa qos kórinedi. Bosqa dúrbeleń týǵyzýdyń qajeti joq. Óıtkeni qoryqqan saıyn ımmýnıtet álsireıdi», - dedi Nurjan Álimjanov.
Sonymen qatar óner ıesi barsha qazaqstandyqtardy Jańa jyl merekesimen quttyqtap, izgi lebizin bildirdi.
