Іndetpen kúreste qalyptasqan pozıtıvti trendti bekemdeý kerek - Rahym Oshaqbaev

NUR-SULTAN. QazAqparat – «Talap» qoldanbaly zertteýler ortalyǵynyń dırektory Rahym Oshaqbaev karantın sharalaryn eki aptaǵa uzartý týraly Prezıdenttiń tapsyrmasyna qatysty pikir bildirdi, dep habarlaıdy QazAqparat tilshisi.

«Tıisti sheshim qabyldandy. Bul sheshimniń negizi bar dep esepteımin. Jaǵdaıdy optımızmmen baǵalaıtyndaı sebepter de bar. Qazaqstanda koronavırýsty juqtyrý jaǵdaıy táýligine 4 paıyzdan 2,1 paıyzǵa deıin azaıdy. Jansaqtaý bólimindegi tósek oryndar da aıtarlyqtaı bosaýda. Meniń oıymsha jańadan kelgen Densaýlyq saqtaý mınıstri qazirgi máseleni oıly túrde sheshe bastady. 3400-ge tarta mobıldi brıgada quryldy. Osynyń bárin pozıtıvti trend dep baǵalaýǵa bolady», - dedi sarapshy telefon arqyly aıtqan pikirinde.

Rahym Oshaqbaevtyń aıtýyna qaraǵanda, qazir qalyptasqan pozıtıvti trendti bekemdeý kerek.

«Menińshe, aldaǵy eki aptalyq karantınniń engizilýiniń negizi bar. Ótkennen sabaq alýymyz kerek. Ózderińiz biletindeı, karantınde boldyq ta, azdap bosańsyp, sonyń saldaryn kórdik. Sol sebepti bul indetti odan ary azaıtýdy amaldaryn qarastyrý kerek. Bul sheshimdi qoldaımyn», - dedi ol.

Eske sala ketsek, búgin Memleket basshysy Qasym-Jomart Toqaev epıdemıologııalyq ahýaldy turaqtandyrý jóninde keńes ótkizip, karantın sharalaryn eki aptaǵa uzartýdy tapsyrǵan bolatyn.