Іndetpen kúres: Halyqaralyq júk tasymalymen aınalysatyn júrgizýshilerge qandaı talaptar qoıylady

NUR-SULTAN. QazAqparat – QR Densaýlyq saqtaý vıtse-mınıstri – QR Bas memlekettik sanıtar dárigeri Erlan Qııasov halyqaralyq eki jaqty júk tasymalymen aınalysatyn júrgizýshilerge qandaı talaptar qoıylatynyn aıtty, dep habarlaı dy QazAqparat tilshisi.

«Álemdegi KVI boıynsha qolaısyz epıdemıologııalyq jaǵdaıdy eskere otyryp, shekarada baqylaýdy kúsheıtý jáne ınfektsııanyń taralýynyń aldyn alý maqsatynda Qazaqstan aýmaǵynda koronavırýs ınfektsııasynyń paıda bolýy men taralýyna jol bermeý jónindegi vedomstvoaralyq komıssııanyń otyrysyna áýe reıster sanyn qysqartý bóliginde shekaradaǵy sharalardy kúsheıtý máselesi shyǵaryldy. Sonymen qatar, halyqaralyq eki jaqty júk tasymalymen aınalysatyn júrgizýshilerde anyqtama bolmasa, olardy karantındik statsıonarǵa jatqyzbaý úshin shekarada PTR test tapsyrý usynylady. Al júrgizýshiniń aýrý juqtyrǵany rastalǵan jaǵdaıda, ornalasqan jeri boıynsha karantınge jatqyzylady», - dedi vıtse-mınıstr Ortalyq kommýnıkatsııalar qyzmetinde.

Budan buryn habarlanǵandaı, Erlan Qııasov koronavırýstyń taralýyna tosqaýyl qoıý boıynsha memlekettik shekaradaǵy sharalar týraly túsindirdi.