Іndet juqtyrý qaýpi bar, sondyqtan jańa erejelermen ómir súrip úırenýimiz kerek - elorda ákimi
Shahar basshysynyń aıtýynsha, memleket ýaqtyly qabyldaǵan qatań shekteý sharalarynyń arqasynda qazir jaǵdaıdy baqylaý múmkin bolyp otyr. Alaıda indetti juqtyrý qaýpi áli de bar.
«Biz jańa erejelerge sáıkes ómir súrýdi úırenýimiz kerek. Búgin azyq-túlik dúkenderi men ózge de taýar satatyn bazarlar, saýda úıleri, qonaq úıler, meıramhanalar men saýda oıyn-saýyq ortalyqtary ókilderimen onlaın-keńes ótkizdim. Elimizdiń bas sanıtar dárigeriniń sheshimine sáıkes, azyq-túlik satpaıtyn bazarlardyń jumysy turǵyndardyń COVID-19 indetine shaldyǵýy 7 kún ishinde 7%-dan aspaǵan jaǵdaıda jáne sanıtarlyq-epıdemıologııalyq talaptar qatań saqtalǵan jaǵdaıda ǵana qaıta bastalady», - dep jazady Altaı Kólginov Instagram paraqshasynda.
Qonaqúı, saýda oıyn-saýyq ortalyqtary men meıramhanalardyń jumysyn qaıta bastaýǵa ruqsat berý (qazirgi ýaqytta meıramhanalar onlaın tapsyryspen jumys jasap jatyr) epıdemıologııalyq jaǵdaıǵa baılanysty kelesi kezeńde qaralady.
«12 mamyrda qoǵamdyq kólik pen halyqqa qyzmet kórsetý ortalyqtarynyń jumysy qaıta bastalady» deıdi qala ákimi.