Іndet órshigen jaǵdaıda týyndaıtyn problemalar taıaý ýaqytta sheshiledi - Prezıdent
NUR-SULTAN. QazAqparat - Qazaqstanda koronavırýsqa shaldyqqandardyń jartysyna jýyǵy sapaly ári tıimdi em alady. Bul týraly «BIZ BIRGEMIZ» onlaın forýmda Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.
«Іndet qaıta órshigen jaǵdaıda, onyń aýqymy keńeıgen kezde sizderge qorǵanys kostıýmder, qajetti preparattar, tósek-oryn jetispeıdi, ózge de qıyndyqtarmen betpe-bet kelesizder. Bul problemalardy taıaý ýaqyttyń ishinde sheshemiz. Úkimetke shuǵyl túrde bul jaǵdaıdy durystaý týraly naqty tapsyrma berilgen. Qazir barlyqtaryńyzǵa paryz ben medıtsınalyq antqa adaldyqtaryńyz úshin úlken alǵysymdy bildirgim keledi. Qazaqstanda 100 myń azamatqa shaqqanda aýyrǵandardyń sany 80-nen sál ǵana asady. Bul álemdik statıstıka sáıkes, ortasha kórsetkish sanalady. Tym jaman bolmasa da, óte jaqsy emes. Biz aýrýǵa shaldyqqandardyń statıstıkasyn muqııat qadaǵalap otyrmyz. Biraq, saýyǵyp shyqqandardyń statıstıkasyn jıi esten shyǵaryp alamyz», - dedi Qazaqstan Prezıdenti.
Memleket basshysy aýyrǵandardyń shamamen jartysy sapaly ári tıim em alatyndyǵyn jáne bul barlyq medıtsına qyzmetkerleriniń eńbegi ári jumystarynyń kórsetkishi ekendigin basa aıtty.
«Aýyrǵandardyń basym bóliginiń koronavırýstan sátti emdelip shyǵatyndyǵyna senimdimin. Kúni keshe ǵana óz Jarlyǵymmen bir top medıtsına qyzmetkeriniń janqııarlyq jumystaryn yntalandyrý maqsatynda memlekettik ordendermen jáne medaldarmen marapattadym. Osy adamdardyń atynan elimizdiń barlyq medıtsına qyzmetkerlerine alǵysymyzdy bildiremiz», - dedi Qasym-Jomart Toqaev.
