Inderbordaǵy páter órtinen denesiniń 95 paıyzyn kúıik shalǵan áıel aýrýhanada qaıtys boldy
ATYRAÝ. KAZINFORM – Atyraý oblysynyń Inderbor kentindegi páter órtinen eki bala mert bolǵan edi. Sol órtten 95 paıyz kúıik alǵan áıel aýrýhanada qaıtys boldy.
Bul derekti Atyraý oblystyq densaýlyq saqtaý basqarmasynyń baspasóz qyzmeti rastady.
«Inder aýdandyq ortalyq aýrýhanasyna 25 sáýirde órtten kúıik alǵan eki adam jetkizildi. Onyń biri – áıeldiń jaǵdaıy asa aýyr jaǵdaıda dep baǵalandy. Naýqastyń denesiniń 90-95 paıyzyn kúıik shalǵan. Dárigerler naýqastyń ómirin saqtap qalý úshin barlyq em-dom sharalaryn júrgizdi. Alaıda, túngi saǵat 03:30 shamasynda áıel aýrýhanada qaıtys boldy», -dep habarlady basqarmanyń baspasóz qyzmeti.
Qazir aýrýhanada er adam emdelip jatyr. Onyń jaǵdaıy ortasha aýyr dep baǵalanyp otyr.
Eske sala ketelik, budan buryn Atyraý oblysyndaǵy Inderbor kentinde órtten eki bala mert bolǵan edi.
Keıin Atyraý oblysyndaǵy órtte kúıip qalǵan eki adamnyń jaǵdaıy aýyr ekenin jazǵan bolatynbyz.
Polıtsııa Inderbordaǵy eki balanyń ómirin qıǵan órtke kináli kúdiktini qamaýǵa aldy. Sondaı-aq, Inderborda eki bala mert bolǵan páterden janarmaı ıisi bar quty tabyldy.
