Indeksteletin áleýmettik tólemderdiń artyq somasy maýsym aıynda tólene bastaıdy

NUR-SULTAN. QazAqparat – Indeksteletin áleýmettik tólemderdiń artylǵan somasy maýsym aıynda tólene bastaıdy. Bul jaıynda QR Eńbek jáne halyqty áleýmettik qorǵaý vıtse-mınıstri Rýslan Sákeev aıtty, dep habarlaıdy QazAqparat tilshisi.

«Múgedektigi bar adamdardy jáne asyraýshysynan aıyrylǵan otbasylardy áleýmetitk qoldaýǵa 370 mlrd teńge qarastyrylyp otyr. Respýblıkalyq bıýdjetten múgedektigi boıynsha járdemaqyǵa 342 mlrd teńge, eńbek etý qabiletinen aıyrylý boıynsha memlekettik áleýmettik saqtandyrý qorynan beriletin áleýmettik tólemge 28 mlrd teńge kózdelgen», - dedi ol Ortalyq kommýnıkatsııalar qyzmetinde ótken brıfıngide.

Vıtse-mınıstr 1 sáýirden bastap járdemaqylardyń qanshalyqty óskenin túsindirdi.

«Bıýdjetten beriletin járdemaqylardyń ortasha mólsheri 1 sáýirge deıin 52 609 teńge bolsa, 1 sáýirden keıin 54 608 teńge bolady. Memlekettik áleýmettik saqtandyrý qorynan beriletin tólemderdi qosa eseptegende múgedektigi boıynsha jıyntyq tólemderdiń mólsheri 1 sáýirge deıin 81 210 teńge bolsa, 84 353 teńge bolady. Mindetti áleýmettik saqtandyrý júıesine qatysýshylar alatyn tólemderdiń ortasha mólsherleri shamamen 30 myń teńgege joǵary bolady. Ulǵaıtylǵan mólsherdegi zeınetaqylar men járdemaqylar sáýir jáne mamyr aılarynda qosylǵan artylýlarmen birge maýsym aıynan tóelenedi. ıAǵnı, búgin zańdy Senat qabyldasa, maýsym aıynda túsedi», - dedi Rýslan Sákeev.

Vıtse-mınıstrdiń málimeti boıynsha, Ekinshi dúnıejúzilik soǵys múgedekteri aı saıyn 201 myń teńgeden alyp otyr.