Inchhondaǵy Azııa oıyndarynyń jeńimpazdary qomaqty qarjylaı syılyqtarmen marapattaldy (FOTO)
ASTANA. QazAqparat - Búgin QR Ulttyq mýzeıiniń májilis zalynda Inchhon qalasynda (Koreıa Respýblıkasy) ótken XVII jazǵy Azııa oıyndarynyń jeńimpazdary men júldegerlerin saltanatty marapattaý rásimi boldy.
Sharaǵa QR Premer-Mınıstriniń orynbasary Gúlshara Ábdiqalyqova qatysyp, sportshylarǵa Úkimet atynan alǵys bildirdi.
«Inchhondaǵy Azııa oıyndarynda sportshylarymyz 84 medaldi jeńip alyp, jalpykomandalyq esepte 4-orynǵa turaqtady. Bul - eń birinshi Elbasymyzdyń sportqa degen qamqorlyǵynyń arqasy jáne osynda otyrǵan, sonymen qatar respýblıkanyń ár óńirindegi sporttyq rezervterde daıarlanǵan sportshylardyń eńbeginiń nátıjesi», - dep atap ótti ol.
Saltanatty shara barysynda Azııa chempıonatynyń altyn júldegerlerine 1 mln. 800 myń teńgeden syıaqy berildi. Al kúmis júldegerler men qola medal ıegerleri tıisinshe 900 myń jáne 545 myń teńgeden enshiledi.
Sondaı-aq, sharaǵa QR Mádenıet jáne sport mınıstri A. Muhamedıuly, sporttyń ár túri boıynsha federatsııa basshylary jáne basqa da laýazymdy tulǵalar qatysty.
Aıta keteıik, Inchhonda ótken Azııa chempıonatynda bizdiń sportshylar 28 altyn, 23 kúmis jáne 33 qola medel enshilep, Azııa qurlyǵynyń 45 elinen kelgen 10 myńǵa jýyq sportshylardyń arasynan jalpykomandalyq esepte 4-orynǵa taban tiredi.
