Inchhonda ótetin Azııa paraoıyndaryna elordadan 11 sportshy attandy
ASTANA. QazAqparat - 18 qazanda Ońtústik Koreıanyń Inchhon qalasynda Azııa paraoıyndary ashylady. Bıyl Qazaqstan quramasyna 84 múmkindigi shekteýli sportshy endi.
Olar toǵyz sport túrinen (sadaq atý, atletıka, dzıýdo, paýerlıftıng, oq atý, júzý, ústel tennısi, otyryp oınaıtyn voleıbol, arbamen bıleý) Azııa elderiniń atletterimen kúsh synasatyn bolady. Jalpy, jarysqa álemniń 40 jýyq elinen 4800 sportshy qatysady.
Astana qalasynyń Týrızm, dene tárbıesi jáne sport basqarmasynyń habarlaýynsha, Azııa paraoıyndaryna Astanadan múmkindigi shekteýli 11 sportshy attandy. Olar úsh sport túrinen básekege túsedi. Júzýden Mıhaıl Eremenko, Sııazbek Dalıev, Ánýar Ahmetov, Álibek Ýaqpaev, Dıana Sútpaeva men Nadejda Lı jarysqa túsedi. Jeńil atletıkadan Beıbarys Bolatov pen Madına Balqojaeva júldege talasady. Al arbamen bıleýde Ardaq Otarbaev, Qarlyǵash Tynabekova pen Aıdana Beglenova óz ónerlerin kórsetedi.
24 qazanda paraoıyndardyń jabylý saltanaty ótedi.
Eske salaıyq, Qytaıdyń Gýanchjoý qalasynda ótken paraoıyndarda alty sport túrinen 74 sportshy el namysyn qorǵady. Qazaqstannyń qurama komandasy 7 medal alyp, jalpykomandalyq esepte 23-shi orynǵa taban tiredi, dep habarlaıdy astana.kz.
