Inchhonda Azııa oıyndary resmı ashyldy
ASTANA. QazAparat - Inchhonda 27-shi Azııa oıyndarynyń resmı ashylý sharasy ótti, dep habarlady Vesti.kz.
Tórt aktiden turatyn Azııa oıyndarynyń ashylý saltanaty barysynda qurlyqtyń tarıhy tolyǵymen kórsetildi. Alǵashqy bólimde kóne zamandaǵy Azııa kórermen nazaryna usynylsa, sońǵy bólimde qurlyqtyń qazirgi ómiri pash etildi. Shoýdy qoıýǵa birneshe myń adam qatysty. Sonymen qatar Koreıanyń EXO, JYJ jáne Big Bang syndy mýzykalyq toptary óner kórsetti. Ásirese, Gangnam Style hıtin oryndaǵan PSY trıbýnaǵa jınalǵan halyqtyń zor qoshemetine bólendi.
Osydan keıin komandalardyń dástúrli sherýi bastaldy. Osy jolǵy oıyndarǵa 45 eldiń sportshylary qatysýda. Qazaqstandyq delegatsııa quramynda sportshylardy, jattyqtyrýshylar men resmı tulǵalardy qosa alǵanda 600 adam sap túzep ótti. Qazaqstannyń kók baıraǵy London olımpıadasynyń kúmis júldegeri, boksy Ádilbek Nııazymbetovtiń qolynda jelbiredi.
Aıta keterligi, Azııa oıyndaryna elimizdiń úzdik sportshylary qatysatyn bolady. Olardyń qatarynda Olımpıada chempıondarynyń Zýlfııa Chınshanlo men Olga Rypakova, álem chempıondary men júldegerleri, qurlyqtyq birinshilikterdiń jeńimpazdary bar.
Erteń Inchhonda Qazaqstan sportshylarynyń qatysýymen jarystar bastalady. Azııa oıyndary 4 qazanda aıaqtalady.
