INChHON-2014: J.Shekerbekova men álemniń 5 dúrkin chempıony M.Kom Azıada altynyn sarapqa salady
ASTANA. QazAqparat - Ońtústik Koreıanyń Inchhon qalasynda ótip jatqan 17-shi Azııa oıyndarynda boksshy Jaına Shekerbekova aqtyq synǵa joldama aldy. Bul týraly QR Boks federatsııasynyń baspasóz qyzmetinen habarlady.
51 keli salmaq sanatynda jarys jolyna shyqqan sportshymyz jartylaı fınalda Mońǵolııanyń bylǵary qolǵap sheberi Nandınttsettseg Mıagmardýlamdy 3:0 esebimen qapy qaldyrǵan bolatyn.
J.Shekerbekovanyń erteń ótetin fınaldyq kezdesýi qıyn bolatyn túri bar. Óıtkeni, dál osy salmaq sanatynda aqtyq synǵa álemniń 5 dúrkin chempıony úndistandyq Merı Kom da shyǵyp otyr. Ol jartylaı fınalda vetnamdyq Bang Leden basym túsken edi.
