Inchhon-2014: Sýǵa júzýden jerlesimiz Dmıtrıı Balandın «altyn» ıelendi
ASTANA. QazAqparat - Qazaqstandyq sýǵa júzýshi Dmıtrıı Balandın 200 metr qashyqtyqta brasspen júzýde Azııa oıyndarynyń chempıony atandy. Osylaısha ol Azııa oıyndarynyń jańa rekordyn ornatty, dep habarlady Vesti.kz.
Balandın óz biliktiliginde úzdik ýaqyt kórsetti, aqtyq saıysta ol óziniń nátıjesin jaqsartty. Ol mejelengen qashyqtyqty 2:07,67 ýaqytta júzip ótti. Onyń izinshe sońynan júzgen japonııalyq sportshy Kadzýkı Kohınata odan nebári bir jarym sekýndqa qalyp qoıdy. Úshinshi oryn taǵy bir japondyq sýǵa júzýshi ıAsýhıro Kosekıge buıyrdy. Eske sala keteıik, osyǵan deıin bul sport túri boıynsha kúmis júldeni 50 metrge arqasynan júzýde ekinshi kelgen taǵy bir jerlesimiz Ekterına Rýdenko utqan bolatyn.
