INChHON-2014: Múgedekter arbasyna tańylǵan qazaqstandyq jańa álemdik rekord ornatty
ASTANA. QazAqparat - Paraazıada oıyndarynda qazaqstandyqtar birtalaı jeńisterge qol jetkizýde. Keshe bizdiń sportshylarymyzdyń qorjyny bes nagradaǵa tolyqty, dep habarlady sports.kz.
Dúbirli dodada qazaqstandyq júzgishter erekshe kózge tústi. Áserse, múgedek arbasyna tańylǵan sportshy Zúlfııa Ǵabıdýllına rekord ornatyp, jurtshylyqty tań qaldyrdy. 23 qazan kúngi qorytyndy boıynsha - jalpy esepte Qazaqstan 11 orynda.
Inchhon oıyndarynyń sońǵy kúnderinde sıngapýrlyq, qytaılyq júzgishterden Zúlfııa altyn medaldi tartyp aldy dese bolady. Álemniń tórt dúrkin chempıonynyń jeńisi sensatsııa týdyrdy, ol jańa álemdik rekord ornatty. Nebári 46,40 sekýndta ol 50 metrdi erkin stılde júzip ótti.
Sondaı-aq Qazaqstan qorjynyna júzýden eki altyndy Ánýar Ahmetov pen Andreı Afanasev saldy. 100 metr qashyqtyqqa júzýden olarǵa eshkim teń kele almady.
