INChHON-2014: Qazaqstandyq boksshy Jánibek Álimhanuly jartylaı fınalǵa ótti
ALMATY. QazAqparat - Búgin Ońtústik Koreıanyń Inchhon qalasynda ótip jatqan 17-shi Azııa oıyndarynda boks saıystarynyń shırek fınaldyq kezeńi oınaldy.
Qazaqstandyq bylǵary qolǵap sheberi Jánibek Álimhanuly 75 keli salmaq dárejesinde sharshy alańda sırııalyq Sedjad Mehrabımen qolǵap túıistirdi. 2013 jylǵy Álem chempıony qarsylasyn 3:0 (30:27, 30:27, 29:28) esebimen jeńip, jartylaı fınalǵa joldama aldy.
Endi Jánibek aldaǵy 2 qazan kúni ótetin jartylaı fınalda úndistandyq Krıshan Vıkashpen kezdesedi. Ol óz kezeginde ózbek Shurshıdbek Normatovtan basym tústi.
