INChHON-2014: Qazaqstandyq boksshy Jánibek Álimhanuly alǵashqy qarsylasyn nokaýtpen jeńdi
ALMATY. QazAqparat - Ońtústik Koreıanyń Inchhon qalasynda ótip jatqan 17-shi Azııa oıyndarynda qazaqstandyq bylǵary qolǵap sheberi Jánibek Álimhanuly óziniń (75 kg) alǵashqy saıysyn nokaýtpen aıaqtady, dep habarlady Qazaqstan boks federatsııasynan.
Bokstan 2013 jylǵy Álem chempıony 1/8 fınalda qytaılyq Taıpeıden kelgen Tıng ıAngpen qolǵap túıistirgen bolatyn. Kóp soqqylar jiberip, birinshi raýndty áreń aıaqtaǵan Jánibektiń qarsylasy ekinshi raýndta tize búkti - otandasymyz qapysyn taýyp, ústin-ústin urǵan soqqylarymen degenine jetti. Erteń Jánibek shırek fınalda ırandyq boksshy Sadjad Mehrabımen kezdesedi. Ol óz kezeginde palestındik Fıda Islamdy tize búktirgen bolatyn. Búgin shırek fınalda keshki sessııada Іlııas Súleımenov (52 kg) ońtústikkoreıalyq Sangdon Chomen, Danııar Eleýsinov (69 kg) mońǵol Tývshınbat Býıambamen, al Ádilbek Nııazymbetov (81 kg) qytaılyq Aolıng Jangpen qolǵap túıistiredi.
