INChHON-2014: Qazaqstandyq boksshy Qaırat Eralıev shırek fınalǵa shyqty
ALMATY. QazAqparat - Búgin Ońtústik Koreıanyń Inchhon qalasynda ótip jatqan 17-shi Azııa oıyndarynda bokstan 1/8 fınaldyq kezdesýler bastaldy.
Bokstan 2013 jyly ótken Álem birinshiliginiń qola júldegeri Qaırat Eralıev (56 kg) sharshy alańǵa shyqpaı-aq kelesi aınalymǵa joldama aldy. Óıtkeni onyń qarsylasy katarlyq Djomah Arbabı rınge shyqpaı qaldy.
Endi Qaırat shırek fınalda ıordanııalyq Mohammad Alvadımen qolǵap túıistiredi. Alvadı óz kezeginde tájik Asror Vahıdovty tize búktirgen edi.
Kóp uzamaı, Ádilbek Nııazymbetovtiń (81 kg) sırııalyq Eldın Gossýnmen kezdesýiniń nátıjesi belgili bolady.
Al tústen keıin saǵat 16:00-de taǵy bir qazaqstandyq boksshy Anton Pınchýk (91 kg. deıin) qyrǵyzstandyq Sergeı Parenkomen jekpe-jekke shyǵady.
