INChHON-2014: Qazaqstandyq boksshy Іlııas Súleımenov alǵashqy qarsylasyn aıqyn basymdyqpen jeńdi
ALMATY. QazAqparat- Búgin Ońtústik Koreıanyń Inchhon qalasynda ótip jatqan 17-shi Azııa oıyndarynda boks saıystarynyń ekinshi kúni bastaldy.
Qazaqstandyq bylǵary qolǵap sheberi Іlııas Súleımenov (52 kg) sharshy alańda taılandyq boksshy Chatchaı Batdımen kezdesip, ony 3:0 esebimen aıqyn basymdyqpen jeńdi, dep habarlady Qazaqstannyń boks federatsııasynan.
Endi Іlııas 27 qyrkúıek kúni keshki sessııada 1/8 fınalda ındonezııalyq boksshy Hýlıo Brıamen kezdesedi.
Al erteń, boks saıystarynyń úshinshi kúni 1/8 fınalda qazaqstandyq boksshylar Qaırat Eralıev (56 kg) katarlyq Djomah Arbabımen, Ádilbek Nııazymbetov (81 kg) sırııalyq Eldın Gossýnmen, al Anton Pınchýk (91 kg. deıin) qyrǵyzstandyq Sergeı Parenkomen qolǵap túıistiredi.
