INChHON-2014: Qazaqstandyq boksshy Anton Pınchýk shırek fınalǵa joldama aldy
ALMATY. QazAqparat- Búgin Ońtústik Koreıanyń Inchhon qalasynda ótip jatqan 17-shi Azııa oıyndarynda qazaqstandyq boksshy Anton Pınchýk (91 kg deıin) alǵashqy jeńisine qol jetkizdi.
Ol 1/8 fınalda qyrǵyzstandyq boksshy Sergeı Parenkony 3:0 esebimen tize búktirdi, dep habarlaıdy Qazaqstannyń boks federatsııasynan. Osymen bokstan ulttyq qurama komandanyń tórtinshi boksshysy jeńiske jetti. Endi shırek fınalda Anton 30 qyrkúıek kúni keshki sessııada ózbek Rústem Týlıaganovpen qolǵap túıistiredi. Ol óz kezeginde qytaılyq Ksıanksıan Vangty qapy qaldyrǵan bolatyn.
Esterińizge sala ketelik, búgin Anton Pınchýkpen qatar Qaırat Eralıev (56 kg) pen Ádilbek Nııazymetov te shırek fınalǵa joldama aldy.
Erteń Azııa oıyndarynda kúndizgi sessııada bokstan áıelder arasyndaǵy saıystar bastalady. 1/8 fınalda Jaına Shekerbaeva (51 kg) japondyq Tomoko Kýgýmııamen, al Gúljaına Úbinııazova (60 kg) fılıppındik Nestı Petesıomen baq synasady. Al keshki sessııada Іlııas Súleımenov (52 kg) ındonezııalyq Hýlıo Brıamen qolǵap túıistiredi. Odan keıin sharshy alańǵa tuǵysh ret komanda kapıtany Danııar Eleýsinov (69 kg) shyǵady. Onyń qarsylasy - qytaılyq Taıpeıdiń boksshysy Cheng Sý.
