INChHON-2014: I.Dychko qarsylastaryn bet qaratar emes
ASTANA. QazAqparat - Inchhonda ótip jatqan Azııa oıyndarynda Qazaqstan boksshysy Ivan Dychko Azıada chempıony ataný úshin judyryqtasatyn boldy, dep habarlady QR Boks federatsııasynyń baspasóz qyzmetinen.
91 keliden joǵary salmaq sanatynda el namysyn qorǵaǵan Ivan Dychko úndistandyq Kmar Satıshtiń fınalǵa shyǵýyna esh múmkindik bermedi. Sharshy alańda shıraq qımyldaǵan qazaqstandyq boksshynyń áleýetin anyq baıqaǵan tóreshiler 3:0 esebmen jeńisti Ivanǵa berdi. Endi erteńgi ótetin sheshýshi aıqasta I.Dychko ırandyq ıAsem Delavarımen judyryqtasatyn bolady.
Aıta keteıik, búgin І.Súleımenov, D.Eleýsinov jáne Á.Nııazymbetov aqtyq synǵa joldama alǵan bolatyn. Al tústen keıin B.Jaqypov, Q.Eralıev, J.Álimhanuly jáne A.Pınchýk fınalǵa shyǵý úshin sharshy alańǵa kóteriletin bolady.
