Inchhon-2014: Búgin qazaqstandyq boksshylar sharshy alańǵa shyǵady

ASTANA. QazAqparat - Inchhonda ótip jatqan Jazǵy Azııa oıyndary bel ortasyna da kelip jetti. Dál qazirge deıin, Qazaqstan quramasy 4 altyn, 5 kúmis, 12 qola medal jeńip alyp, jalpy esepte 4-orynda keledi. Birinshi orynda 44 altyn, 24 kúmis, 21 qola oljalaǵan Qytaı quramasy kósh bastap tur. Ekinshi orynda 22 altyn, 22 kúmis, 22 qola medal jınaǵan alań qojaıyndary bolsa, úzdik úshtikti 17 altyn, 22 kúmis, 22 qola medali bar japondyqtar túıindep tur.

Búginnen bastap jarys kórigi tipten qyza túspek. Olaı deıtinimiz - búgin sharshy alań sheberleri, ıaǵnı boksshylar jekpe-jeginiń alǵashqy aınalymy bastalady. Qazaqstandyq jankúıerlerdi qatty qyzyqtyratyn ári eń kóp júlde kútetin sport túrleriniń biri - osy boks. Keshe atalmysh elde boksshylardyń jerebe tartý rásimi ótip, bizdiń boksshylarymyzdyń qashan jáne kimmen judyryqtasatyny belgili boldy.

Olaı bolsa, boksshylarymyz qashan, kimmen judyryqtasatynyna kóz jiberip kóreıik:

24 qyrkúıek: 60 keli. Berik Ábdirahmanov - Mustafa Alkasbeh (Iordanııa). Alla qalap, Berik ıordanııalyq Mustafany jeńse, shırek fınalda sharshy alań qojaıyny, London Olımpıadasynyń kúmis júldegeri Sýn Chýl Hanmen joly túıisýi múmkin.

25 qyrkúıek: 52 keli. Іlııas Súleımenov - Chatchaı Býtdı (Taıland). Eger Іlııas alǵashqy synnan súrinbeı ótse, ındonezııalyq Hýlıo Brıamen judyryqtasady. Al qyrǵyzstandyq Azat Úsenálıev, ózbek Shahobıdın Zoırov ekinshi sebette. Sondyqtan Іlııas alǵashqy syndardan súrinbese, olarmen tek fınalda kezdesedi.

26 qyrkúıek: 56 keli. Qaırat Eralıev - Arbabı (Katar). Eger Qaırat Eralıev katarlyq boksshyny jeńse, ekinshi kezeńde tájik Asror Vohıdovpen kezdesýi múmkin. Shırek fınalda mońǵol Togstsogt Nıambaıar bar.

81 keli: Ádilbek Nııazymbetov - Eldın Gossoýn (Sırııa). Bul salmaqta 12 boksshy óner kórsetedi. Esterińizge sala keteıik, Ádilbek Inchhonda qazaq týyn kóterip shyqqan bolatyn. Sol úshin oǵan qoıylyp otyrǵan talap ta aýyr ekeni belgili. Tý ustaǵan boksshymyz ekinshi kezeńde Eldın Gossoýndy jeńse, shırek fınalda Ehsan Roýzbahanımen jolyǵýy múmkin. Al Oıbek Mamazýlýnov pen Kım Henkıý ekinshi sebette qaldy.

91 keli: Anton Pınchýk - Sergeı Parenko (Qyrǵyzstan). Anton birinshi aınalymda qyrǵyzstandyq Parenkomen judyryqtasady. Eger qarsylasynan aılasyn asyrsa, ekinshi kezeńde 2013 jylǵy Ýnıversıadanyń fınalısti Rýstam Týlaganovpen kezigýi múmkin.

27 qyrkúıek: 69 keli. Danııar Eleýsinov - Chın Chen Sý (Qytaılyq Taıpeı). Eger Danııar Chın Chen Sýdy yrqyna kóndirse, shırek fınalda mońǵol Tývshınbat Bıambynmen kezdesip qalýy múmkin.

28 qyrkúıek: 49 keli. Birjan Jaqypov - Mohıbýlla (Pákistan). Birjanǵa jerebe jeńil tústi. Myqtylardyń bári ekinshi sebetke túsken. Ózbekstandyq Hasanbaı Dýsmatov pen Qytaı ókili Sýn Chýl Han alǵashqy básekede kezdesetin boldy. Álem chempıony káris Shın Jon Hýnte de sol ekinshi sebette qalǵan.

64 keli: Aıdar Ámirzaqov - Ermek Sákenov (Qyrǵyzstan). Aıdar alǵashqy aınalymda Qyrǵyzdyń tájirıbeli boksshysy Ermek Sákenovpen judyryqtasady. Bul salmaqta negizgi myqtylar ekinshi topta ornalasqan.

29 qyrkúıek: 75 keli. Jánibek Álimhanuly - ıÝ Tın ıAng (Qytaılyq Taıpeı). Bul salmaqta 18 boksshy baq synaıdy. Jánibektiń tobynda myqtylardan úndistandyq Krıshan Vıkas pen qyrǵyz Azamat Qanybekuly bar.

30 qyrkúıek: +91 keli Ivan Dychko - Enhbaıar Batmýngh (Mońǵolııa). Ivannyń salmaǵynda boksshy óte az. Sondyqtan asa aýyr salmaqtaǵy boksshymyz alǵashqy kezdesýin birden shırek fınaldan bastaıtyn boldy. Qarsylasy - mońǵol Enhbaıar Batmýngh.

Áıelder:

27 qyrkúıek:

51 keli. Jaına Shekerbekova - Tomoko Kýgımııa (Japonııa)

60 keli: Gúljaına Úbbııanııazova - Nestı Petesıo (Fılıppın)

28 qyrkúıek

75 keli: Marına Volnova - Le Tı Nýng (Vetnam).

Kúnsultan Otarbaı