INChHON-2014: Boksshy Q.Eralıev jartylaı fınalǵa shyqty
ASTANA. QazAqparat - Ońtústik Koreıanyń Inchhon qalasynda ótip jatqan 17-shi Azııa oıyndarynda 56 keli salmaq sanatynda sharshy alańǵa kóterilgen boksshymyz Qaırat Eralıev qarsylasyn aıqyn basymdyqpen utty. Bul týraly QR Boks federatsııasynyń baspasóz qyzmetinen habarlady.
Shırek fınaldyq kezdesýde ıordanııalyq Mohamm Alvadımen qolǵap túıistirgen álem chempıonatynyń qola medal ıegeri qazaqstandyq Q.Eralıev barlyq raýndta da qarsylasynan basym tústi. Endi ol 2 qazanda ótetin jartylaı fınalda ońtústikkoreılik Sangmıng Hammen kezdesetin bolady.
