INChHON-2014: Batysqazaqstandyq eskekshiler Azııa oıyndarynyń chempıony atandy
ORAL. QazAqparat - Búgin Qazaqstan ulttyq quramasy sapynda batysqazaqstandyq eskekshiler Inchhonda ótip jatqan Azııa oıyndarynyń chempıony atandy.
Aldymen oraldyq Alekseı Dergýnov eki kisilik baıdarkada Evgenıı Alekseevpen birge 1 myń metr qashyqtyqta úzdik shyqty. A.Dergýnov - London Olımpıadasyna qatysqan tájirıbeli sportshy.
Sondaı-aq taǵy bir batysqazaqstandyq Andreı Ergýchev tórt kisilik baıdarkada Ilıa Golendov, Dáýlet Sultanbekov, Aleksandr Emelıanovpen birge 1 myń metr qashyqtyqta Qazaqstanǵa on ekinshi altyn medaldi ákeldi.
Budan buryn A.Dergýnov pen A.Ergýchev Azııa chempıony atanǵan bolatyn. Endi, mine, taǵy bir jeńiske qol jetkizip otyr.
Atalmysh Azııa oıyndarynda osyǵan deıin batysqazaqstandyq dzıýdoshy Azamat Muqanov qola júldeger atanǵan edi.
