INChHON-2014: Azıada Para Oıyndaryna 84 qazaqstandyq attanady
ASTANA. QazAqparat - Aǵymdaǵy jyldyń 18 qazanynda Ońtústik Koreıadaǵy Inchhon qalasynda «Inchhon-2014» Azıada Para Oıyndary ashylady. Al Qazaqstan Respýblıkasynyń Týyn kóterýmen komandalardy qarsy alý rásimi 16 qazan kúni ótedi, dep habarlaıdy sports.kz.
Bul Oıyndarǵa dene múmkindikteri shektelýi qazaqstandyq atletter qurama komandasynyń 84 sportshysy toǵyz spor túri boıynsha qatysady. Atap aıtqanda, olar jebe atý, atletıka, dzıýdo, paýerlıftıng, oqpen atý, júzý, ústel tennısi, otyryp voleıbol oınaý jáne arbada bıleýden saıysady.
Komanda quramynda Pavlodar, Qyzylorda, Almaty, Aqmola, Jambyl, Atyraý, Qostanaı, Soltústik Qazaqstan, Ońtústik Qazaqstan, Batys Qazaqstan, Mańǵystaý jáne Qaraǵandy oblystarynan, sondaı-aq Astana jáne Almaty qalalarynan sportshylar bolady. Olar kklımatızatsııalyq beıimdelý jáne sport nysandaryn aldyn-ala kórý úshin Inchhonǵa 1 3 qazan kúni attanady.
Jalpy, atalmysh Para Oıyndarǵa shamamen 40 elden 4800 sportshy qatysady dep josparlanýda. Ony 1000-nan astam halyqaralyq BAQ ókilderi jurtshylyqqa taratpaq, al 3681 erikti sportshylar men delegatsııalarǵa Oıyndardy tabysty ótkizýge septespek.
Inchhondaǵy Azıada Para Oıyndarynyń jabylý saltanaty 24 qazanda ótedi.
