INChHON-2014: Ádilbek Nııazymbetov alǵashqy jekpe-jeginde sırııalyq boksshyny tize búktirdi (FOTO)
ASTANA. QazAqparat - Búgin Inchhon qalasynda ótip jatqan Azııada oıyndarynda Qazaqstan boksshysy, London Olımpıadasynyń kúmis júldegeri Ádilbek Nııazymbetov týrnırdegi saıystaryn bastady. Alǵashqy jekpe-jeginde (1/8 fınal) ol sırııalyq boksshy Hossaýn Eldındi 3:0 esebimen jeńdi. Bul týraly Inchhondaǵy «QazAqparat» oqyrmany, sport sarapshysy Asqar Aǵataev (fotolardy túsirgen avtor) habarlady.
Onyń aıtýynsha, Ádilbek ózine senimdi bolyp, qarymta shabýyldar ádisin utymdy qoldandy. Kelesi kezeńde Ádilbek Qytaı boksshysy Djang Aolınmen qolǵap túıistiredi. Ol Ahmad Alfadhıdi tehnıkalyq nokaýtpen jeńgen bolatyn.
