Inaýgýratsııadan 10 kún buryn Trampqa úkim shyǵatyn boldy

ASTANA. KAZINFORM – AQSh prezıdenti bolyp tańdalǵan Donald Trampty ulyqtaý saltanatyna on kún qalǵanda buryn jasaǵan qylmysy úshin úkim shyǵarylytany belgili boldy. Bul týraly BBC jazdy.

Porno juldyz Stormı Denıelske aýyzbastyryq retinde aqsha tólegenin jasyryp, jazbalardy burmalaǵany úshin Donald Tramptyń sot protsesine tóraǵalyq etip jatqan Iork Hýan Merchan AQSh-tyń saılanǵan prezıdentin ulyqtaý rásimine 10 kún qalǵanda, ıaǵnı 10 qańtarda úkim shyǵaratyny týraly sheshim qabyldady.

Sýdıa Trampty naqty túrme jazasyna kesýge nıetti emes ekenin eskertip, sottalýshyǵa sot úkimi boıynsha jeke ózi de, beınebaılanys arqyly da qatysýǵa ruqsat berdi. Sondaı-aq, sýdıanyń uıǵarymynan onyń aıyppul nemese probatsııalyq baqylaý sııaqty jeńildetilgen jazalardy taǵaıyndaýǵa da nıeti joq ekenin aıtty.

Mamyr aıynda qazylar alqasy biraýyzdan Trampty ózine taǵylǵan aıyptyń 34 baby boıynsha kináli dep tapty. Alaıda, ol óz kinásin moıyndaǵan joq. Sýdıa burynǵy jáne bolashaq prezıdentti jazalaıtyn úkimdi jarııalaý birneshe ret keıinge qaldyrylyp, qarasha aıynda ótken prezıdenttik saılaýda Tramp jeńiske jetkennen keıin onyń advokattary prezıdenttiń ımmýnıtetine baılanysty isti toqtatýdy usyndy.

Qazirgi ýaqytta bul Trampqa qatysty úkim shyǵarǵan jalǵyz qylmystyq is bolmaq, degenmen saıasatker Nıý-Iork shtatynyń sottaryna shaǵymdana alady. Trampqa qarsy eki federaldy is ol saılanǵannan keıin toqtatyldy, óıtkeni Ádilet mınıstrligi prezıdentti qýdalaý konstıtýtsııaǵa qaıshy dep málimdedi. Djordjııadaǵy sot protsesi prokýror Fanı Ýıllıstiń saılaý quqyǵynan aıyrýyna baılanysty birneshe aı boıy toqtap qaldy.

Ótken jyldyń sáýir aıynda Nıý-Iorkte Donald Trampqa qatysty atalǵan sot bastalǵan bolatyn.