Importtyq taýar baǵasynyń birden tómendeýin kútýdiń qajeti shamaly - UEM
ASTANA. QazAqparat - Ulttyq ekonomıka mınıstrliginiń baspasóz qyzmeti vedomstvo basshysy Tımýr Súleımenovtiń baǵa men dollar baǵamy arasyndaǵy baılanys týraly aıtqan pikirine túsinikteme berdi, dep habarlaıdy QazAqparat.
Túsiniktemeni baspasóz hatshy Samal Ybraeva Feısbýk əleýmettik jelisine jarııa etti.
"Sizderge ulttyq ekonomıka mınıstri Tımýr Súleımenovtiń baǵa men dollar baǵamy arasyndaǵy baılanys týraly jaýabyna oraı shaǵyn túsindirme jasaýǵa ruqsat etińizder. Mınıstr bizdiń vedomstvonyń dúken sórelerindegi barlyq taýarlardyń baǵa túzilimine tikeleı qatysy joqtyǵyn túsindirdi. Dollarsyzdaný týraly bizde burynnan aıtylyp keledi, bizge birtindep baǵany dollarǵa aınaldyrýdan arylý qajet ekenin aıtty. Mınıstr sondaı-aq, ımportqa táýeldilikten qutylý úshin óz óndirisimizdi damytýdy atap ótti. Sonda biz teńge baǵamynyń kez kelgen basqa valıýtaǵa qatysty ózgerisine alańdamaıtyn bolamyz. Jáne sóz joq, óndiristegi básekelestik baǵany barynsha ádiletti deńgeıge jaqyndata alady. Al ázirge ımporttyq taýar baǵasynyń birden tómendeýin kútýdiń qajeti shamaly, sebebi bul birinshi kezekte bıznes úrdisterge baılanysty",-dep atap ótken baspasóz hatshysy.
Samal Ybraeva atap ótkendeı, kásipkerler belgili bir qorlarǵa, uzaqmerzimdi kelisimsharttar men mindettemelerge ıe bola alady. "Azyq-túlikke suranystyń qazirgi deńgeıine qaraǵanda básekelestik ımportqa, óndiris ıelerine jáne taýar jetkizýshilerge tabıǵı jolmen áser etýi tıis. Baǵa ózgerisi eger teńge baǵamynyń shetel valıýtasyna qatysty tómendeýi úrdisi saqtalatyn bolsa, tek birtindep oryn alýy múmkin",-deıdi ol.
Jalpy, Samar Ybyraeva aıtyp ótkendeı, ulttyq ekonomıka mınıstrligi áleýmettik mańyzdy taýar baǵasyna qatysty jaǵdaıdy udaıy baqylaýda ustaıdy. Jəne de baspasóz hatshysy "Ulttyq ekonomıka mınıstri qashanda aqparatty jasyrmaıtynyn, jaǵdaıdy ashyq aıtatynyn, jýrnalıstermen sóılesýden bas tartpaıtynyn, qolaısyz saýaldarǵa jaýap berýden basyn alyp qashpaıtynyn" atap ótken.
