Importtyq baj salyǵynyń ulǵaıýy elimizdegi ınflıatsııa deńgeıine shamaly ǵana áser etedi - mınıstr B. Sultanov
A. Qarashanyń 17-si. QazAqparat /Ernur Aqanbaı/ - Qazaqstan Keden odaǵyna múshe bolǵannan keıin, ımporttyń qymbattaýy elimizdegi ınflıatsııa deńgeıine shamaly ǵana áser etedi.
Búgin Úkimet otyrysynda Ekonomıka jáne bıýdjettik josparlaý mınıstri Baqyt Sultanov osyndaı pikir bildirdi, dep habarlaıdy QazAqparat.
Qazaqstan Keden odaǵyna kirgen soń ımporttyq baj salyǵynyń ósýi ishki baǵalardyń birshama ulǵaıýyna ákeledi. Bul másele qoǵamda qyzý talqylanyp jatqandyǵyna toqtalǵan mınıstr: «Alaıda, ınflıatsııanyń kútilimi aıtarlyqtaı joǵarylatylǵan dep sanaımyn. Aldyn ala saraptama ımporttyń qymbattaýy ınflıatsııanyń deńgeıine shamaly ǵana áser etetinin kórsetip otyr. Máselen, ınflıatsııa shamamen 0,5-0,7 paıyzdyq pýnkterge ǵana kóteriledi dep sanaımyz», dedi.
Onyń aıtýynsha, elimiz olardy otandyq ónimdermen almastyra otyryp, ımporttyq ónimderdiń úlesiniń tómendeýine qol jetkizetin bolsa, ınflıatsııanyń ósimi budan da tómen bolýy múmkin.
