Importty azaıtý: Qazaqstan mal terisin shetelge shyǵarmaıtyn bolady
«Memleket basshysynyń tapsyrmasymen halyqqa kerekti qarapaıym taýarlardy óndirý úshin 600 mlrd teńge bólingeli otyr. Sol salanyń biri - jeńilónerkásip. Máselen, onyń ishine bizdiń kúndelikti kıetin kıimderimiz, balalardyń aıaq kıimi sekildi basqa da kerekti zattar jatady. Bizdiń jeńil ónerkásip salasyndaǵy kásiporyndar ókinishke qaraı, tek arnaıy kıimderdi ǵana tigedi (áskerı, ishki ister nemese medıtsınalyq salada). Bul baǵdarlama boıynsha tek memlekettiń tapsyrysymen ǵana isteıtin kompanııalar emes, tutynýshylarǵa, halyqqa óndiriletin negizgi taýarlar shyǵarylady», - deıdi Abylaı Myrzahmetov OKQ-da ótken baspasóz máslıhatynda.
Onyń aıtýynsha, Qazaqstanǵa keletin kıim-keshektiń 82 paıyzy - ımport. Importty shekteý úshin mamandar jan-jaqty taldaý jasap, negizgi qıyndyq - shıkizat kóziniń bolmaýy degen qorytyndyǵa kelgen.
«ıAǵnı, shıkizat kózin alyp kelgennen keıin onyń baǵasy qymbatyraq bolady da, biz Qytaıdan nemese Túrkııadan, Reseı men Belarýsten keletin taýarlarmen básekelese almaımyz. Sondyqtan, osynyń bári saraptaldy. Sonyń arqasynda naqty jol kartasy jasaldy. ıAǵnı, aldaǵy shıkizatty ózimizde shyǵaramyz. Ekinshiden, jeńildikpen qarajat beriledi. Sodan keıin terini shetelge shyǵarmaımyz. Ózimizde óńdeıtin jaǵdaı jasadyq. Ony Úkimet qoldady. Jol kartasynda bári jazylǵan. Bul baǵdarlama aldaǵy 3-4 jylda elimizde ımportty tómendetip, el ishindegi taýarlardyń 50 paıyzynan kóbin ózimiz óndirý maqsatyn qoıyp otyrmyz», - deıdi Abylaı Myrzahmetov.
«Atameken» UKP basqarma tóraǵasynyń aıtýynsha, qazirgi tańda Almatydaǵy Qytaıdan alyp keletin taýarlardyń bárin ótkizetin bazarlarmen jumys júrgizilip jatyr.
«Qytaıdan keletin taýarlardyń kóbisi salyq tólemeı, kontrafakt arqyly keledi. Ony da ózderińiz biletindeı, Elbasy naqty tapsyrma berdi. Osy joly tosqaýyl, salyqty salyp, ol baǵamen bizdiń baǵany básekege alyp kelý kerek», - deıdi Abylaı Myrzahmetov.
Eske sala ketsek, buǵan deıin QR Premer-Mınıstri Asqar Mamın otandyq taýarlardyń kólemin ulǵaıtýǵa qatysty negizgi mindetterdi ataǵan bolatyn. Úkimet basshysynyń aıtýynsha, jeti jyldan keıin ımporttyń úlesi 59 protsentten 37-ge deıin túsedi. Esesine otandyq taýarlardyń kólemi artady. Osyǵan baılanysty óńdeýshi kásiporyndary ártaraptandyrý sharalary jalǵasady.