Import taýarlarynyń qunyn baqylaý tizbesine túzetý engiziledi
ASTANA. KAZINFORM — Qarjy mınıstrligi «Baǵalardyń eń tómengi deńgeıi qoldanylatyn taýarlardyń jekelegen túrleriniń tizbesin, sondaı-aq baǵalardyń eń tómengi deńgeıin aıqyndaý qaǵıdalaryn bekitý týraly» buıryǵyna ózgeris engizý týraly buıryq jobasyn qoǵamdyq talqylaýǵa shyǵardy.
Atalǵan qujat Salyq kodeksiniń 518-babynyń 2-tarmaǵyna sáıkes daıyndalǵan. Buıryq jobasynyń negizgi maqsaty — baǵanyń eń tómengi deńgeıi qoldanylatyn taýarlardyń naqty tizbesin bekitý.
— Bul tizim ımporttalatyn taýarlardyń qunyn dáıekti etýge baǵyttalǵan jáne Eýrazııalyq ekonomıkalyq odaqqa múshe memleketterden jetkiziletin taýarlar boıynsha salyqtardyń durys tólenýin qamtamasy etedi. Sonymen qatar bul shara adal ımporttaýshylar men otandyq óndirýshiler úshin teń básekelestik jaǵdaılaryn ornatýǵa arnalǵan, — delingen qujatta.
Sonymen qatar jobany iske asyrý nátıjesinde ımporttalatyn taýarlardyń naqty quny qamtamasyz etilip, Qazaqstannyń ishki naryǵynda adal básekelestik jaǵdaıy ornaıdy.
Qoǵamdyq talqylaý 26 naýryzǵa deıin.
Aıta keteıik, Qazaqstanda keıbir taýarlardy satyp alýda ulttyq rejımnen shyǵarý usynylǵan edi.
