Imperııa ádebıet pen ónerdi tizgindeý arqyly tutas bir dáýirdiń rýhanı ustanymyn qalyptastyrýǵa kúsh saldy - aqyn N.Orazalın
MATY. Qyrkúıektiń 21-i. QazAqparat /Ádilet Musahaev/ - Shyǵarmashylyq odaqtardyń qurylymyn túzgen Keńester odaǵy degen alyp ımperııa bir ǵasyrǵa jýyq aralyqta adamzat balasynyń oıyna, sanasyna, ómir súrýine sheksiz yqpalyn júrgizip keldi. Bul jaıynda Qazaqstan Jazýshylar odaǵy basqarmasynyń tóraǵasy Nurlan Orazalın atalmysh odaqtyń 75-jyldyǵyna oraı ótip jatqan jıynda aıtty,
dep habarlaıdy QazAqparat.
Memlekettik syılyqtyń ıegeri, kórnekti aqyn, dramatýrg N. Orazalın 20-shy ǵasyr tarıh jadynda arǵy-bergi dáýirlerdiń tájirıbesin qorytqan, sonyń nátıjesinde adam balasynyń ómir súrýiniń orasan úlgileri men dástúrlerin qalyptastyrǵan, bir izge salǵan ǵasyr bolǵanyn aıtady.
"Ótken ǵasyrdyń basynda qurylǵan ımperııalyq ıdeologııanyń maqsaty - túptep kelgende totalıtarlyq júıeniń beınesin asqaqtatý, abyroı, bedelin jurt sanasyna bekitý boldy. Imperııa júıeli jumys istedi, ádebıet pen ónerdi tizgindeý arqyly júıe tutas bir dáýirdiń rýhanı ustanymyn qalyptastyrýǵa kúsh saldy. Ol maqsatty júzege asyrý úshin kommýnıster ádebıet pen óner ıelerine jaǵdaı jasaýdy da jan-jaqty oılastyrdy. Jazýshylar odaǵynyń ómirge kelýi osy baǵyttaǵy qadam edi", deıdi N. Orazalın óz baıandamasynda. Aqynnyń aıtýynsha, ımperııa óz oıyn júzege asyryp, maqsatyna jetý úshin sol tustaǵy bedeldi, belgili qalamgerlerdi barynsha uıym jumysyna tartqan. Onyń aıtýynsha, odaq mańyna toptasqan Sáken, Muhtar, Іlııas, Beıimbet tárizdi kórkem sózdiń sol tustaǵy iri ókilderi Jazýshylar odaǵyn úlken ádebıetke alyp barar, sóz ónerin shyńdaýdyń shynaıy mekenine aınaldyra bilgen.
