Imon Gılmor: Adam quqyǵy - eń baǵaly qundylyq
Adam quqyqtary jónindegi Eýropalyq Odaqtyń arnaýly ókili Imon Gılmordyń aıtýynsha, barlyq memleketter jalpyǵa birdeı adam quqyqtary men negizgi bostandyqtaryn qurmetteý qaǵıdasyn ustanýy tıis.
«Búgingi forýmǵa Ortalyq Azııa elderiniń ókilderi arnaıy keldi. Biz munda azamattyq qoǵamdy damytýdyń negizgi máselelerin talqylaımyz. Aıta ketý kerek, adam quqyqtary tek ózine tıesili. Ol qaı ortada, qaı elde turmasyn emin-erkin ómir súrýge quqyly. Onyń ultyna, jynysyna, dinine, diline eshkim til tıgizbeýi kerek. Biz barlyq memlekettik jáne úkimettik emes uıymdarǵa osyny talmaı aıtyp kelemiz. Bul azamattyq qoǵamda keńinen kórinis tabýy qajet. Sondaı-aq qoǵamdyq ortadan shyqqan usynys, pikirler men jańashyldyqqa qoldaý kórsetemiz. Adam quqyǵy - eń baǵaly qundylyq. Forýmnyń kózdegini osy»,- deıdi Adam quqyqtary jónindegi Eýropalyq Odaqtyń arnaýly ókili Imon Gılmor
Aıta keteıik, Almatyda «Ortalyq Azııa – Eýropalyq Odaq» azamattyq forýmy ótip jatyr.
Sharaǵa Ortalyq Azııanyń bes memleketi men Eýropalyq Odaqtyń delegatsııasy qatysyp jatyr.
