Immýnologtar eskertedi: dostyq súıisýden keıin baýyr zardap shegýi múmkin
ASTANA. 28 qazan. QazAqparat - Sánge aınalǵan súıip amandasý úrdisi dereýara balalar, ásirese qyzdar arasynda keń etek alýda.
Qurbylar balalar baqshasynda jáne mektepte bir-birin shóp-shóp súıýdi belsendi túrde tájirıbege engizip keledi.
Bul týraly «Ekspress K» gazeti (avtory Tatıana Lenskaıa, «Opasnyı potselýı») jazady.
Immýnologtar eskertedi: bir jaǵynan alyp qaraǵanda esh zııany joq - dos retinde súıýdiń sońy mononýkleoz qozdyrǵyshy - Epshteın-Barrdyń vırýsyna ákelip soqtyrýy múmkin. Juqpa gerpesterdiń (ushyq) tórtinshi túrine jatady jáne ol sońyna deıin zerttelmegen. Bul jasyryn vırýs jáne ol kóp jaǵdaıda mektep jasyndaǵy balalarda paıda bolady. Mononýkleoz joǵary temperatýradan bastalady jáne ony tómendetý qıynǵa soǵady. Belgileri - tamaq jáne lımfa túıinderi isinedi, kókbaýyr men baýyr ulǵaıady. Úsh aptaǵa sozylatyn syrqattanýdyń bastapqy kezeńinde vırýs birinshi kezekte baýyrǵa túsedi. Mundaı aýyrtpalyqtan keıin baýyr tek dıetanyń qatań saqtalýymen ǵana jarty jyldan keıin qalpyna keledi.
