Immýnıtettiń álsiz ne qýatty ekenin qalaı tekserýge bolady?
ASTANA. QazAqparat - Aǵzanyń qorǵanysy ýaqytsha álsireý kezeńderi kez kelgen adamnyń ómirinde bolady. Al jas ótken saıyn barlyǵynda ımmýndyq tapshylyq jáne densaýlyqtyń nasharlap, allergııalyq, sýyq jáne basqa da kóptegen aýrýlarǵa beıimdiligi bastalady, dep jazady anabol.kz.
Búgingi medıtsınanyń farmokologııalyq revolıýtsııasy - antıbıotıkter ımmýnoterapııany aýystyryp keledi. Ǵalymdar aǵzany ishten saýyqtyryp, densaýlyqty qalpyna keltiretin ádisti tapty.
Ózińizdiń ımmýnıtetińizdiń qandaı deńgeıde ekenin bilý úshin sizge ımmýnolog mamannyń kómegine júginý kerek pe? Osyny bilý úshin sizderge ımmýnıtetti tekseretin test usynamyz. Barlyq suraqtarǵa "ıá" nemese "joq" dep jaýap berip, sońynda qansha upaı jınaǵanyńyzdy sanaý qajet.
1.Únemi sportpen aınalysasyz ba?
2.Sýyq kezde tez tońyp, aıaq-qolyńyz únemi salqyn bolyp júre me?
3.Kúızelispen (stresspen) belsendi kúresip, kez kelgen nársege renjı beresiz be?
4.Jylyna 4 ret sýyqtap aýyrasyz ba?
5.Kez kelgen aýrýda dári-dármek paıdalanasyz ba?
6.Kúndelikti ratsıonyńyzǵa jemis-jıdek jáne kókónis kire me? Al kóktemde jáne qysta dárýmender qabyldaısyz ba?
7.Sizdiń dostaryńyz kóp jáne adamdarmen jaqsy aralasasyz ba?
8.Siz otbasyńyzdyń ómirine qanaǵattanasyz ba?
9.Taza aýada turaqty túrde serýendeısiz be?
10.Siz shylym shegesiz be?
11.Keıde kóńil kúıge baılanysty jaqsy sharap ishesiz be?
12.Turǵylyqty jerińiz: qala?
13.Dene pishinińizdi qadaǵalaısyz ba?
14.Qoǵamdyq kólikti jıi paıdalanasyz ba?
15.Jumys isteıtin ujymyńyz úlken be?
16.Bir kúnde 1,5 lıtr sý ishesiz be?
17.Jyly bólmede kóp ýaqyt tura alasyz ba?
18.Aýyr jáne júıkege salmaq túsiretin jumys isteısiz be? Úı sharýasynyń barlyǵy sizdiń moınyńyzda ma?
19.Monsha men saýnaǵa jıi baryp turasyz ba?
1, 3, 6, 7, 8, 9, 11, 13, 16-shy suraqtarǵa "ıá" dep jaýap berseńiz, árbirin 1 upaıdan esepteńiz.
2, 4, 5, 10, 12, 14, 15, 17, 18, 19-shy suraqtarǵa "joq" dep jaýap berseńiz, árbirin 1 upaıdan esepteńiz.
Jınap alynǵan upaı sany
1-6. Sizdiń ımmýndyq júıeńiz óte álsiz. Jıi selqostyq baıqalyp, apatııa sezinedi. Aǵzańyzdyń qorǵanysyn qalpyna keltirý úshin, sizge ımmýnolog dárigerdiń keńesi qajet.
7-12. Sizdiń qorǵanys júıeńizde kemshilikter bar. Sizge ómir saltyńyz ben dıetańyzdy ózgertý qajet. Taza aýada kóbirek serýendep, dárýmenderge baı taǵamdardy jep, tańerteń dýsh qabyldaý qajet. Bul shaǵyn túzetýler ımmýndyq júıeńizdi nyǵaıtady.
13-18. Sizdiń ımmýndyq júıeńiz óte jaqsy. Siz sırek aýyrasyz, aýrý bola qalsa, asqynýlary bolmaı, jeńil ótip ketedi. Sizdiń kúshińiz kóp jáne energııaǵa baısyz. Siz óz densaýlyǵyńyzǵa jaqsy kútim jasaısyz. Osylaı jalǵastyra berińiz.
