Immýnıtetti qalyptastyrý úshin álem halqynyń 70% vaktsınalaý qajet - DDU
JENEVA. TASS-QazAqparat – Jańa koronavırýsqa ımmýnıtetti qalyptastyrý úshin vaktsınalaýmen qamtý álemniń 65-70% halqyn quraýy tıis. Bul týraly brıfıng barysynda Dúnıejúzilik densaýlyq saqtaý uıymynyń bas ǵylymı qyzmetkeri Sýmıa Svamınatan málim etti, dep habarlaıdy QazAqparat TASS agenttigine silteme jasap.
Brıfıngte S.Svamınatan «Ujymdyq ımmýnıtetti tabıǵı jolmen qalyptastyrý tıimdi bola ma?», - degen suraqqa jaýap berdi.
«Immýnıtetke qol jetkizýdiń eń durys ádisi – vaktsınalaý. Jáne onymen qamtý 65-70% kem bolmaýy tıis», - dedi ol.
Óz tarapynan DDU sarapshysy Marııa van Kerkhove atap ótkendeı, ujymdyq ımmýnıtetti tabıǵı jolmen qalyptastyrýǵa talpynystar qaýipti bolmaq jáne ol ólim-jitimniń artýyna alyp keledi. Onyń aıtýynsha, vaktsınalaý halyqty qorǵaýdyń eń tıimdi tásili bolyp tabylady. «Búkil álemde qaýipsiz jáne tıimdi vaktsınany ázirleý boıynsha belsendi jumystar júrgizilýde», - dedi M. Kerkhove.
