Imıdjdik is-sharalardy qysqartýdan 68 mlrd teńge únemdeldi — Qarjy mınıstrligi
ASTANA. KAZINFORM — Qarjy vıtse-mınıstri Abzal Beısenbekuly bıýdjet qarjysynyń qalaı únemdelgenin aıtyp berdi.
— Shtattyq birlikti, ǵımarat jaldaý, kólik tasymaly shyǵynyn qaıta esepteý, issaparlar men baılanys qyzmetin retke keltirý, barlyq sharýashylyq taýar boıynsha túgendeý júrgizý nátıjesinde únemdeldi. Keıbir qaıtalanatyn baptar bolǵan. Sondaı-aq bir rettik granttar, sýbsıdııa jáne ekonomıkalyq tıimdiligi tómen jobalar boıynsha da osyndaı jumys júrgizdik. Joǵaryda atalǵan jáıttiń bári qaıta qaralyp, sonyń aıasynda 68 mlrd teńge únemdeldi, — dep jaýap berdi Abzal Beısenbekuly Májiliste ótken baspasóz máslıhatynda.
Eske salsaq, Prezıdent 2019 jyly ákimderge ımıdjdik is-sharalardy kúrt azaıtýdy tapsyrǵan edi.
Al byltyr ımıdjdik sharalardan bas tartýdyń nátıjesinde únemdelgen qarjynyń qaıda jumsalatyny týraly jazǵan bolatynbyz.