«Imedı» telekompanııasy taǵy da keshirim surady
ASTANA. Naýryzdyń 22-si. QazAqparat - «Imedı» telekompanııasy reseılik áskerdiń el aýmaǵyna «basyp kirgeni» týraly naýryzdyń 13-i kúni shyqqan telebaǵdarlamasy úshin Tbılısıde tirkelgen sheteldik dıplomatııalyq ókildikterdiń elshilerinen jáne Grýzııa jurtshylyǵynan taǵy da keshirim surady,
dep habarlaıdy ITAR-TASS agenttigi. Telekompanııa senbi kúni aqparattyq baǵdarlamasynda osyndaı málimdeme jasady.
Ol málimdemede, Grýzııanyń Kommýnıkatsııalar jónindegi ulttyq komıssııasynyń sheshimine sáıkes «Imedıdiń» jurtshylyqtan keshirim suraıtyny atap kórsetilgen. Telekompanııa «Habar taratýshylardyń kodeksin buzǵany jáne jurtshylyqty adastyrǵany úshin» keshirim surady. Málimdemede sondaı-aq, «birqatar shet memleketterdiń elshileri beınelengen kadrlardyń naýryzdyń 13-indegi sıýjette «olardyń kelisiminsiz qoldanylǵany jáne olardyń aýzymen aıtylǵan málimdemelerdiń barlyǵy «ımıtatsııa bolǵany», sol úshin «Imedıdiń» olardan keshirim suraıtyny» atap kórsetilgen.
«Imedı» janjaldy sıýjeti úshin buǵan deıin, naýryzdyń 13-i men 14-i kúnderi kórermenderden keshirim suraǵan bolatyn, al bul jolǵy keshirimdi kompanııa Grýzııanyń Kommýnıkatsııalar jónindegi ulttyq komıssııasynyń nusqaýyn oryndap, surap otyr.
